Uzaq-uzaq yerlərdə, yamyaşıl meşələrdə iki çaqqal yaşayırdı. Ağıllı və qoçaq olan dostlardan birini Kəlilə, digərini isə Dimnə çağırırdılar. Onların ən sevimli əyləncəsi bir-birinə maraqlı əhvalatlar danışmaq idi.

Amma dostlar bu yolla təkcə vaxtlarını maraqlı keçirmirdilər... Həm də danışdıqları ibrətamiz hadisələrin köməyi ilə öz nöqsanlarını görməyə, bir də həyatı öyrənməyə çalışırdılar.

Əziz dost! Elə buna görə Kəlilə və Dimnəni sənin görüşünə gətirmişik. Onlar danışsınlar, sən isə dinlə. Yaxşı-yaxşı dinlə ki, nəyin doğru, nəyin yanlış olduğunu özün anlaya biləsən.